Ток тропик ўрмонларда чирмовиқсимон ёввойи ҳолда ўсувчи қадимий ўсимликлардан бўлиб, бошқа чирмовиқсимонлардан аниқ, муайян шаклга эга эмаслиги билан характерланади. Ток тупининг шаклини турлича ўзгартириш мумкин. Ток ўсимлигини маданийлаштириш устида узоқ даврлик олиб борилган изланишлар натижасида парвариш қилиниш шароитига қараб ток тупи қулай шаклларга келтирилиб, юқори ва сифатли ҳосил олиниши таъминланди.