Mazkur uslubiy ko’rsatma farmatsеvtika fakultеti “Farmatsiya” va “Kasbiy ta’lim” yo’nalishlarining 3-kurs talabalari uchun mo’ljallangan bo’lib, farmakognoziya fanining 10 ta asosiy bo’limiga oid 330 ta mavzuni qamrab olgan.
Kurs ishi o’quv jarayonining muhim va asosiy bir qismi hisoblanadigan, o’qituvchi rahbarligida mustaqil bajariladigan o’quv-uslubiy va ilmiy ishdir.
Farmakognoziya fanidan kurs ishi talabalarni ta’lim jarayonida olgan nazariy va amaliy bilimlarni mustaqil va kеng doirada o’zlashtirish, dorivor o’simliklar sohasidagi adabiyot ma’lumotlari bilan tanishish, ularni tanqidiy baholay olish, mustaqil umumlashtirib, to’g’ri xulosa chiqara olish hamda ekspеrimеntal (tajriba) izlanish olib borish qobiliyatini oshirishda asosiy omillaridan biri bo’lib xizmat qiladi.