Бугунги кунда республикада мажбурий суғуртанинг ижтимоий йўналтирилган турли кўринишлари кенг тадбиқ этиляпти. Масалан, ўтган йили транспорт воситалари эгаларининг фук,аролик жавобгарлигини мажбурий суғурталаш жорий этилди. Жорий йилда Ўзбекистон Республикасининг «Иш берувчининг фуқаролик жавобгарлигини мажбурий суғурталаш тўғрисида» Қонуни қабул қилинди. Мажбурий суғуртанинг бу турлари биринчи навбатда йўл-транспорт ҳодисалари ёки хизмат вазифаларини адо этаётган вақтда юз бериши мумкин бўлган бахтсиз ҳодисалардан ижтимоий ҳимояни кафолатлаш ва таъминлашга қаратилган.
Мажбурий суғуртанинг иқтисодий моҳияти шунда¬ки, у суғуртанинг маълум бир турида қатнашган барча фуқаролардан тушган маблағларни жамлайди ва суғурта ҳодисаси юзага келганда ушбу ҳодиса туфайли жабр курганларнинг зарарларини қоплайди. Мажбурий суғуртанинг афзалликларидан бири шундаки, унда суғурта қамрови сезиларли даражада кенгаяди. Бу ўз навбатида қўлланилаётган суғурта тарифларини энг паст даражагача камайтириш имконини беради.