Маълум сабабларга кўра доривор ўсимликлар ўзларининг шифобахш хусусиятлари туфайли тиббиётни қатор самарали дори воситалари билан таъминловчи асосий манбаалардан бири бўлиб хизмат қилади. Шунинг учун янги доривор ўсимликларни, айниқса халқ табобатида ишлатиладиганларини излаб топиш ва тиббиёт амалиётига татбиқ этиш мақсадида ўрганиш фармация фанининг долзарб муаммоларидан бири бўлиб ҳисобланади.
Тадқиқотимиз объекти – азалдан халқ табобатида қўлланилиб келаётган Geranium сollinum Steph. – анжабор ўсимлиги. Ўсимликнинг ер остки қисмларидан тайёрланган қайнатма меъда касалликларида, туғуруқдан кейинги ҳолатларда қон тўхтатувчи, шунингдек, буриштурувчи восита сифатида ишлатилади.