Бошланғич синфлар она тил дарсликларида ёрдамчи сўзларнинг ўрганилишини тадқиқ қилишдан иборатдир.
Она тилимиз ўзбек тили дунёдаги энг бой
тиллардан биридир. Унинг тасвирий қудрати ҳам ҳеч бир тилдан
қолишмайди. Буни буюк бобомиз Алишер Навоий ўзининг она тилимизда
яратган мангу ўлмас асари, жаҳон адабиёти хазинасидан муносиб ўрин
олган дурдона бадиий ижод намунаси - “Ҳамса” си ва беназир илмий
тадқиқот -“Муҳокамат ул-луғатайн” асари билан бир умрга исботлаб
кетганлар. Орадан олти асрга яқин вақт ўтиб, тилимиз янада бойиди, ҳар
томонлама тараққий қилди. Энг азиз, энг улуғ неъмат мустақиллик эса
тилимизнинг гуллаб-яшнаши учун тарихда мисли кўрилмаган
имкониятлар яратди. Чунки энди биз ўз тақдиримизни, ўз йўлимизни
ўзимиз белгилай бошладик.