O`zbekistonda uzluksiz ta`lim sohasida olib borilayotgan islohotlar natijalari, erishilgan yutuqlar, yuksak salohiyatli avlodni tayyorlashda davlatning rolini xalqaro jamoatchilikka keng ma`lum qilish maqsadida O`zbekiston Respublikasi Prezidenti Islom Karimov tashabbusi bilan 2012 yil 16—17 fevral kunlari “Bilimli va aql-zakovatli avlodni tayyorlash—mamlakatni barqaror rivojlantirish va modernizatsiyalashning muhim sharti” mavzusidagi xalqaro Konferentsiya o`tkazildi.
Konferentsiyada 1000ga yaqin odam ishtirok etib, shundan 300 dan ortig`i - 49 xorijiy davlatlarning va 9 xalqaro tashkilotlarning, ta`lim va ilmiy muassasalarning, olimlar va ta`lim, fan, madaniyat sohasining vakillaridir.