Tadbirkorlik faoliyatini rivojlantirish eng avvalo ichki bozorni mahsulotlar va xizmatlar bilan to’ldirish muammosining yechimi, mehnat resurslari bandligi hamda aholi daromadlarini oshirish omili sanaladi. Tadbirkorlik tuzilmalari davlatga bog’liq bo’lmagan holda, ya’ni, katta moliyaviy resurslarsiz o’zlari yangi ish joylari barpo etishlari, ichki bozorda tovarlar tanqisligini kamaytirishlari, narx barqarorligi, raqobat muhitini qaror toptirishda muhim o’rin egallashlari hamda qishloq xo’jaligi mutloq ustunlikka ega bo’lgan ayrim hududiy birliklarda mahalliy byudjetlar daromad qismlarining asosiy manbaalari bo’lishliklari bilan o’zining kutilgan samarasini bermoqda.