Salı o’simliginin’ biologiyası h’a’m mineral to’ginlerdin’ onın’ o’sip rawajlanıwına ta’sirin u’yreniw

Qaraqalpaqstan Respublikası O’zbekstan aymag’ında tiykarg’ı salıgershilik rayon esaplanıp, perspektiv sortlar egimi jetistirilip kiyatır. Salı egisine bo’lip berilgen jerler topıraq jag’dayı boyınsha ayrılıp turadı. Aral ten’izinin’ kurg’awına baylanıslı shorlang’an h’a’m mexanikalık quramı boyınsha h’a’r qıylı topıraqlar payda bolmaqta. Sonın ushın salı agrotexnikası paydalanıp kelingen agrotexnikadan o’zgeshe bolıwı kerek. Shorlang’an h’a’m mexanikalıq quramı boyınsha h’a’r qıylı topıraqlarda salı zu’ra’a’tligin arttırıw, onın’ sapasın jaqsılaw boyınsha paydalanatug’ın agrotexnikalıq ilajlardın’ ishinde azot to’gininin’ normasın izertlew ju’da’ u’lken a’h’miyetke iye. Usıg’an baylanıslı mexanikalıq quramı boyınsha awır topıraqlarda azot to’ginin normasın izertlewdi aldımızg’a maqset etip qoydıq.