A’jiniyaz do’retiwshiliginde insannin’ ma’nawiy qa’liplesiwi ma’seleleri

Jaqında g’ana xalqımız Watanımızdın’ g’a’rezsizliginin’ 20 jıllıg’ın ko’terinkilik ruwxta toyladı. Jurt g’a’rezsizligi abadan turmıs tiykarıdur. O’ytkeni tek erkin el, biyg’a’rez Watan, azat shaxs g’ana o’z aldına maqset qoyıp, o’zi qa’legenindey turmıs ta’rizin qurıwı mu’mkin. Ma’mleketimiz g’a’rezsizlikke erisken ku’nnen baslapaq jaslardın’ boyına en’ jaqsı pazıyletlerdi sin’diriwde, olardı o’z elin su’yetug’ın, xalqına, ata-anasına hadal xızmet etetug’ın, er ju’rek, miynet su’ygish insanlar etip ta’rbiyalawda milliy ideologiyanın’ ornı ayrıqsha boldı. Bu’gingi g’a’rezsiz elimizde jaslarg’a ta’rbiya beriw ma’selesi ha’m Watang’a pidayı a’wladtı ta’rbiyalaw en’ baslı ma’selelerdin’ biri. Sebebi ha’r qanday ta’rbiya, bul ana Watang’a, ana tiline mehir-muhabbat tuyg’ısın oyatıwdan baslanadı.