Siyasiy partiyalar do’retiwshi ideyalardi a’melge asiriwshi subktler sipatinda

O’zbekstannın’ g’a’rezsiz rawajlanıwı da’wirinde ekonomikanın’ rawajlanıwı, xalıqtın’ real da’ramatların’ o’siwi, xalıqtı sotsiallıq qorg’aw ushın bag’darlang’an ma’mleket qa’rejetlerinin’ bir neshe barabar ko’beygeni, turmıs da’rejesinin’ sezilerli da’rejede jaqsılang’anı ja’ne basqada unamlı o’zgerislerge erisiwi menen xarakterlenedi. Bul jetiskenlikler –rawajlanıwdın’ o’zbek modeli printsiplerine tiykarlang’an siyasiy, ekonomikalıq h’a’m sotsiallıq reformalardı na’tiyjesi h’a’mde turaqlı rawajlanıw ekonomikasına tiykarlang’an, ashıq demokratiyalıq h’uqıqıy ma’mleket qurıw, insan, onın’ ma’pleri, h’uqıq h’a’m erkinlikleri so’z ju’zinde emes, al is ju’zinde joqarı qa’diriyat da’rejesine ko’terilgen, du’nya ju’zi ko’leminde abıray-ma’rtebege erisken ja’miyetti qurıw boyınsha biz o’z aldımızg’a qoyg’an joqarı maqsetke qaratılg’an uzaq h’a’m qıyın joldın’ bir bo’limi ekenligide h’a’mmege ma’lim.