Milliy qa’driyatlar – milliy mentalitetimizdin’ tiykarg’ı tayanıshı

XXI a’sir insaniyat tariyxında o’zine ta’n qasiyetleri menen orın iyeledi. Tsivilizatsiyanın’ jemisi esaplang’an ilim-texnika progressii, ma’deniy ha’m ruwxıy o’zgeriwler menen birgelikte esap sanaqsız apatlardı, materiallıq waranagershilikti keltirip shıg’arg’an jasalma revolyutsiyadan ha’m urıslar ju’z berip sotsiallıq progresstin’ qarama-qarsı xarakterin ju’zege keltirdi. Mine usı ayrıqsha o’zgerislerdin’ juwmag’ı esaplang’an da’wir jan’a a’sirdi baslap berdi. XX a’sir jan’adan-jan’a mashqalalardı ju’zege keltirdi. Bul mashqalalar tiykarınan insaniyat turmısına tuwrıdan-tuwrı baylanıslı bolg’an ha’diyselerdin’ globallasıwı menen ta’riyplenedi. Bunday ha’diyselerdin’ globallıq protsesske aylanıwı du’nya ma’mleketlerinin’ sotsiallıq ha’m siyasiy jan’alanıwına salmaqlı ta’sir etti. Ja’ha’n sisteması jan’a ekonomikalıq mu’na’sibetler, demokratik qa’driyatlarg’a tiykarlanıp ja’ha’n ha’mja’miyetin maydang’a keltirdi. Eski awqam territoriyasında biyg’a’rez biyg’a’rez ma’mleketler payda bolıp, olar insaniyattın’ jan’a sotsiallıq siyasiy ortalıg’ına kiriw imkaniyatın qolg’a kirgizdi. O’zbekstan da mine usı tariyxıy jaqtan quramalı protsessti bastan keshirip, g’a’rezsizlik jolın tan’ladı.