Жамият ривожланишининг хозирги замон боскичида инсонни тарбиялаш, унинг жисмоний сифатларини ривожлантириш, саломатлигини мустахкамлаш, иш кобилиятини ошириш, жамоаларда кулай рухий мухитни яратишнинг кўп киррали жараёнида жисмоний тарбия ва спортнинг ахамияти ортиб бораётганлиги кузатилмокда. Жисмонан бакувват, ботир инсонларни тарбиялашга ёрдам берадиган спорт курашининг хар хил турлари жисмоний тарбия тизимида мухим ўрин эгаллайди.
Мазкур иш - спорт кураши назарияси ва усулияти бўйича биринчи дарслик бўлиб, у жисмоний тарбия ва спорт сохасида юкори малакали мутахассисларни тайёрлашнинг амалдаги дастурига мувофик ишлаб чикилган. Дарслик асосан курашнинг хар хил турларида ихтисослашадиган жисмоний тарбия талабалари учун мўлжалланган. Шу билан бирга у малака ошириш факултетлари тингловчилари, аспирантлар, магистратура талабалари, шунингдек тренерлар учун фойдали бўлиши мумкин. Дарсликнинг асосий вазифаси турли тоифадаги курашчилар спорт тренировкасининг замонавий назарий ва усулий асосларини кискартирилган хамда тушунарли шаклда беришдан иборат.