Ўзбекистон Республикамиз мустаққилликка эришгандан сўнг мамлакатимизда автомобил ишлаб чиқаришга асос солинди. Асака шаҳрида “UzDAEWOO” заводининг ишга тушиши билан Ўзбекистон дунёда ўз автомобил саноатига эга бўлган 28-чи давлатга айланди.
“UzDAEWOO” бу Марказий Осиёда биринчи автомобил ишлаб чиқарадиган компания. Завод жаҳон стандартлар талабига жавоб берадиган ўта замонавий техника билан жиҳозланган бўлиб, қуввати умумий ҳисобда йилига 200000 автомобил ишлаб чиқаришга мўлжалланган.Ҳозирги кунда автомобилларнинг тури “NEXIA”, “LASETTI”, “MATIZ” кабилар билан бойиб бормоқда.
Жумладан Самарқандда автомобил заводининг қайта ишга тушиши автомобилсозликнинг ривожланишида катта аҳамиятга эга. Бу ўз-ўзидан уларни тўғри ҳисоблаш, сақлаш, техник хизмат кўрсатиш, таъмирлаш ва маданиятини янада оширишни талаб қилади, чунки ҳозирги пайтда республика халқ хўжалигини барча жабҳаларининг тараққиёти автомобил транспортидан самарали фойдаланиш билан узвий боғлиқдир.
Курс ишини бажаришдан мақсад автомобилнинг тортиш тезлиги ва ёнилғи тежамкорлиги каби хусусиятларини таҳлил қилиш асосида аниқ масаллаларни ечиш, шунингдек, «Транспорт воситалари тузилиши ва назарияси» фанидан олинган билимларни бойитиш ва чуқурлаштиришдан иборат. Курс ишини бажаришда талаба, берилган автомобилларнинг тортиш-тезлик ва ёнилғи тежамкорлик хусусиятини ҳисоблаб, уларни таҳлил қилишни ўрганади ва автомобилларни керакли шароит учун оптимал танлаш кўникмаларини ҳосил қилади.