«Бадиий безак ишлари» фани асосий ўқув предметларидан биридир. Ҳар бир даврда мавжуд бўлган ушбу тасвирий санъат безаклари ҳаёт гўзалликларини тасвирлаб, одамларда юксак хислат ва фазилатларни камол топтиради, уларни, тенглик, озодлик, биродарлик, ёрқин келажакка интилишга даъват этади.
Ҳозирги замон тасвирий санъат ўқитувчиси ҳар томонлама билимли, қобилиятли ўқитишнинг назарий асослари ва таълим принципларини ўзлаштириши, ўқув ишларининг асосий усулларини билиши ва уни иш тажрибасида татбиқ қила олиш кўникмаларига эга бўлиши лозим. Ушбу ўқув-услубий мажмуа Ўзбекистон Республикасининг «Таълим тизимида»ги қонун талабларидан келиб чиққан ҳолда тузилди.