Мавзуни асослаш. Маълумки, кўпчилик юқумли касалликлар лимфа тугунларининг зарарланиши билан кечади. Баъзида юқумли касалликлардаги лимфа тугунларининг зарарланиши етакчи ўрин тутиб, юқумли касалликларнинг қиёсий ташхисотида, уларнинг ўз вақтида аниқланишида ва даволанишида ҳал қилувчи синдром ҳисобланади. Турли касалликларда (юқумли, юқумсиз) лимфа тугунларининг ҳар хил зарарланиш турлари касаллик ташхисотини қийинлаштиради. Лекин лимфа тугунларидаги ўзига хос ўзгаришларни билиш магистрлар ва амалий шифокорларга юқумли касалликларни айниқса болаларда аниқлаш ва даволашга шубҳасиз ёрдам беради.