Кейинги йилларда фармацевтика соҳасида қатор ютуқларга эришилди. Дори воситалари яратишнинг илмий асослари ишлаб чиқилди ва замонавий технологиялар яратилиб, амалиётга тадбиқ этилди. Янги доривор ва ёрдамчи моддалар асосида самарадорлиги юқори бўлган дори воситалари яратилди.
Эришилган ютуқларда Тошкент фармацевтика институти олимларининг ҳиссаси салмоқли бўлиб, улар айниқса қаттиқ дори шакллари, жумладан, таблеткалар, гранулалар, обаки ва пилюла каби дори шаклларини яратишда ўз ифодасини топди.
Ушбу китобда олимларимизнинг фармацевтик технология соҳасида эришган илмий ва амалий ютуқлари келтирилган, у талабалар, магистрантлар, аспирантлар, илмий ходимлар ва дори воситаларини ишлаб чиқарувчи мутахассислар учун мўлжалланган.
Муаллифлар тақризчиларга ва китобни нашрга тайёрлашда ёрдам берганларга ўз миннатдорчиликларини билдирадилар.
Мазкур китоб айрим хато ва камчиликлардан ҳоли бўлмаслиги мумкин, шунинг учун, муаллифлар китоб ҳақидаги танқидий фикр-мулоҳазаларни мамнуният билан қабул қилиб, китобхонларга олдиндан ўзларининг чуқур миннатдорчиликларини билдирадилар.