Мавзунинг долзарблиги. Арбовируслар муҳим тиббий аҳамиятга эга. Уларнинг 100 дан ортиғи одамларда ҳар хил оғирликдаги касалликлар чақириши мумкин: энцефалитлардан, энцефаломиелитлардан ва геморрагик иситмалардан бошлаб, токи енгил иситмали касалликларгача. Арбовирусларнинг муҳим хусусиятлари бўлиб бўғимоёқлилар, яъни чивинлар, каналар, искаптопарлар ва бошқалар орқали юқиши ҳамда уларнинг аъзоларида кўпайиши, одамларга ва умуртқали ҳайвонларга биологик йўл билан, яъни бўғимоёқлилар чаққанида (трансмиссив) ўтиши, умуртқалиларда вирусемия чақириши ва кўпайиши ҳисобланади