Органик кимёнинг фан сифатида шаклланиши ва ривожланишининг асосий босқичлари. Органик кимёнинг аҳамияти Органик кимё – органик моддаларни ташкил қилувчи углерод бирикмаларининг кимёсини ўрганади. Органик моддалар кишиларга жуда қадимдан маълум, Булар органик бўёқлар(ализарин, пурпур, индиго) олишни, узум шарбатини бижғитиб сирка ҳосил қилишни, ўсимликлардан шакар ва мой олишни, ёғларни ишқорлар билан қайнатиб совун олишни билганлар ва бу моддалардан фойдаланганлар. Аммо узоқ вақтгача органик моддалар аралашма ҳолида ишлатилиб келинган. IX асрга келиб араб алчимиклари сиркадан сирка кислотани, мусаллас ичимлигидан этил спиртни ажратиб олишга муваффақ бўлишди. Соф ҳолдаги органик моддаларни ажратиб олиш ва уларни ўрганиш XVIII аср охириXIX асрнинг бошларида ривожлана бошлади.