Бугунги кунда Ўзбекистоннинг ўтмишдаги
иқтисодий ҳаёти билан боғлиқ масалалар, жумладан, ички ва ташқи
коммуникация тизимининг ривожланиш тарихини тадқиқ этиш тарих фани
олдида турган долзарб вазифалардан бири ҳисобланади. Ўзбекистон
Республикаси ўзининг табиий-географик тузилиши жиҳатидан жаҳон
океанидан энг узоқда жойлашган давлатлар қаторига кирганлиги (энг яқин
масофадаги денгиз 3000 кмни ташкил этади) республиканинг жаҳон савдо
алоқаларида иштирок этишида сезиларли қийинчиликлар туғдиради. Бундай
шароитда, табиийки, мамлакатимизнинг ички ва ташқи иқтисодий
муносабатларида қуруқлик транспорти, хусусан, темир йўл транспорти
алоҳида аҳамият касб этади.