Ўзбекистонда амалга оширилаётган суд-ҳуқуқ соҳасидаги ислоҳотлар аввало, инсон манфаатларини ҳимоя қилиш борасидаги амалдаги қонунчилик базасини такомиллаштиришга қаратилган. Мазкур йўналишда муҳтарам Президентимиз, - қонунчилик ва норматив-ҳуқуқий базадаги камчилик ва нуқсонларга имкон қадар тезроқ барҳам бериш, ҳуқуқни қўллаш амалиётида ғоят жиддий ўзгаришларни жорий этиш, ҳуқуқни муҳофаза қилиш ва суд органларининг фаолиятида фақат ва фақат қонунларга риоя этилишини таъминлаш билан боғлиқ ишларни такомиллаштириш лозим эканлигини алоҳида таъкидлайдилар.