Mavzuning ahamiyati. Fenolglikozidlar va lignanlar fenol birikmalari sinfiga kiradi. Fenolglikozidlar aglikon sifatida oddiy fenollar (gidroxinon, floroglyutsin) va ularning hosilalarini (salitsil kislota, p-oksifeniletanol) saqlovchi glikozidlardir. Tarkibida oddiy fenollar va ularning glikozidlarini saqlovchi mahsulotlar, ulardan olingan dori turlari va preparatlari tibbiyot amaliyotida antiseptik, siydik haydovchi, balg’am ko’chiruvchi, gijjaga qarshi va stimullovchi sifatida keng qo’llanilmoqda.