Экстрактлар деб ўсимлик хом-ашёсидан биологик фаол моддаларни сув, спирт, эфир ёки бошқа ажратувчилар ёрдамида ажратиб олинган ва ажратувчиси қисман, баъзан бутунлай буғлатилган ажратмалара айтилади. Экстрактлар-суюқ, қуюқ, қуруқ экстрактларга таснифланади.
Ўсимликлардан тайёрланган препаратларга фитопрепаратлар деб юритилади. Фитопрепаратлар таркибида турли синфга мансуб бўлган кимёвий бирикмалар бўлади, (алкалоидлар, юрак гликозидлари, полисахаридлар ва ҳ.к).
Фитопрепаратлар, яъни биологик фаол моддаларни экстракциялаш усули билан олишда ажратувчилар (экстрогенлар) муҳим аҳамиятга эга. Саноат миқёсида фитопрепаратлар ишлаб чиқаришда уларнинг турғунлигини таъминловчи ажратувчиларни танлаб олиш муҳим аҳамиятга эга.
Ҳар бир ажратиб олинадиган биологик фаол модда ўсимликнинг кимёвий таркибига қараб ўзига хос ажратувчи орқали экстракция қилинади.
Бирор эритувчи ёрдамида доривор маҳсулотдан ажратиб олинган моддалар йиғиндиси “экстракт моддалар” деб аталади. Эритувчи сифатида сув турли даражадаги спирт ва органик эритувчилар ҳамда аралашмалар ишлатилади.