Мавзунинг долзарблиги. Маълумки, жаҳон иқтисодиёти ва халқаро муносабатларнинг интеграциялашуви ҳамда сиёсий маданиятни такомиллаштириш муаммолари глобаллашув жараёнининг энг долзарб масаласига айланмоқда. Чунки у кишилик жамияти ҳаётининг барча соҳаларига бирдай дахлдордир. Буни нималарда кўришимиз мумкин?
Биринчидан, XX асрнинг охирларида жаҳоннинг каттагина қисмини эгаллаган маҳобатли “социалистик дунё” таназзулга учраб, ўзининг сиёсий ва ижтимоий моҳиятини йўқотди.
Иккинчидан, XXI асрда инсониятнинг бутун фаолияти ва ривожланиш омиллари, шунингдек, кишилик жамиятининг тараққиёт тенденциялари умумбашарий мақсад ва манфаатларга хизмат қиладиган юксак маданиятнинг турли шаклларидан фойдаланиш ва чуқур мушоҳада қилишни тақозо этмоқда.