Tadqiqot ish mavzusining dolzarbligi. O`zbekiston Respublikasi mustaqillikka erishgandan so`ng barcha sohalar qatori ta’lim sohasiga ham yuqori darajada davlat e’tibori qaratildi. Jumladan, O`zbekiston Respublikasi Prezidenti I.A.Karimov 1997-yil 29-avgustda Oliy majlis 1-chaqiriq IX sessiyasida so`zlagan “Barkamol avlod - O`zbekiston taraqqiyoti poydevori” nutqi hamda mazkur sessiyada “Kadrlar tayyorlash milliy dasturi”ning tasdiqlanishi yangi tahrirdagi “Ta’lim to`g`risida”gi qonunning qabul qilinishi bilan mamlakatimiz ta’lim tizimini yangilashga asos solinib, barcha ta’lim sohalari singari, ekologiya sohasiga ham chuqur e’tibor qaratildi. Jumladan, barcha oliy o`quv yurtlari, akademik litsey, kasb-hunar kollejlari va maktablarda “Ekologiya” alohida fan sifatida o`rganiladigan bo`ldi. Bu ekologiya fani shiori qilib esa “Ona tabiatni asrash, atrof-muhitni va uning ne’matlarini ko`z qorachig`idek asrash va kelajak avlodga sof holda yetkazishdir”. Har bir soha o`rganilar ekan, uning oldida o`z muammolari bo`ladi.