Мавзунинг долзарблиги. Президентимиз И.А.Каримовнинг «Жаҳон молиявий-иқтисодий инқирози, Ўзбекистон шароитида уни бартараф этишнинг йўллари ва чоралари» номли асарида мамлакатимизда жаҳон иқтисодий инқирозининг салбий оқибатларини бартараф этиш бўйича аниқ чора тадбирлар белгилаб, аҳолини озиқ-овқат маҳсулотлари билан етарли равишда таъминлашга алоҳида эътибор берилган.
Чунки, аҳолини озиқ-овқат маҳсулотлари билан таъминлаш турмуш фаровонлигининг асосий негизларидан бири ҳисобланади.
Боғдорчилик Ўзбекистон Республикаси қишлоқ хўжалигининг етакчи тармоқларидан бири ҳисобланади. Соҳибкорлар етиштирган хилма-хил ва ширин-шакар меваларнинг довруғи нафақат ўзимизда, балки юртимиздан ташқарида ҳам кенг тарқалган.