Ўзбекистоннинг ижтимоий-иқтисодий ҳаётида қишлоқлар алоҳида ўрин эгаллайди. Мустақилликнинг илк кунларидаёқ республика қишлоқ аҳолиси турмуш шароитларини яхшилаш, қишлоқ иқтисодиётини ривожлантириш, қишлоқ ижтимоий инфратузилмасини такомиллаштиришга алоҳида эътибор қаратилди. 2009 йилни “Қишлоқ тараққиёти ва фаровонлиги йили” деб эълон қилиниши эса бу соҳадаги вазифаларни янада долзарб қилиб қўйди. Бу борада Ўзбекистон Республикаси Президенти И.А.Каримов қуйидагиларни таъкидлайди: “Қишлоқларимиз қиёфасини, қишлоқда ҳаёт сифатини, ишлаб чиқариш муносабатларининг мазмун-моҳиятини ўзгартиришга, агросаноат мажмуида олиб борилаётган ислоҳотларни чуқурлаштиришга, охир-оқибатда қишлоқ аҳолисининг ижтимоий-сиёсий ва маданий савиясини, онги ва фуқаролик масъулиятини оширишга қаратилган, биз учун ўта долзарб аҳамиятга эга бўлган ушбу давлат дастурини бажаришга киришар эканмиз, 2009 йилдаги бош вазифамиз уни амалга ошириш бўйича истиқболдаги барча ишларни мустаҳкам ташкилий асосга қўйишдн иборатдир”1.
Жамият тараққиётини белгиловчи энг асосий омиллардан бири соҳа ўтмишига доир тарихий тажрибадан унумли фойдаланишдир. Шу маънода Ўзбекистон қишлоқларининг тарихини чуқур ўрганиш бугунги кунда тарих фани олдидаги энг долзарб масалалардан биридир.