Компьютер графикаси илмий тажриба ва лойиҳалашнинг автоматлаштирилган тизимларда, робототехника ва бошқа соҳаларда кенг ишлатилади.
Компютер монитори график ва матнли маълумотларни экранга чиқаради. Монитор махсус видеоадаптер бошқарувида матнли ва графикли ҳолатда ишлайди. Матнли иш ҳолатида компютер экрани ҳар бир қаторда 80 тадан позиция бўлган 25 та сатрга бўлинади. Графикли иш ҳолатида эса монитордаги ҳар қандай тасвир худди телевизор экранидек, яъни маълум бир ранга бўялган нуқталар тўплами каби ҳосил бўлади. Тасвирнинг қанчалик тиниқлиги видеоадаптернинг имкониятига, яъни горизонтал ва вертикал бўйича чиқариладиган нуқталар миқдорига қараб белгиланади. Масалан, видеоадаптер SVGA экранга қуйидагича - 640x480, 800x600, 1024x768 нуқталарни беради.