Мавзунинг долзарблиги. Мустақил Қирғизистон Республикасида яшовчи халқларнинг равнақига, таълим тизимининг такомиллашувига жиддий эътибор қаратилмоқда. Ҳукуматимизнинг «Билим» (1994), «ХХI аср кадрлари» (2004), «Янги авлод» (2001-2004) миллий-таълимий дастурлари каби ёшлар таълим-тарбиясига дахлдор қатор қарорларида умумий ўрта мактаблар, лицей ва гимназиялар ҳамда олий ўқув юртларида таълимни ривожлантиришни сифат жиҳатидан юқори босқичга кўтариш ва жаҳон андозаларига жавоб беришини таъминлаш зарурлиги қайта-қайта таъкидланмоқда.