Маълумки, XIX ва XX асрларда вируслар оламини очган Россиялик олим Дмитрий Иосифович Ивановский (1864-1920) вирусология фанининг асосчиси бўлиб ҳисобланади. Ҳали талабалик давридаёқ, таътил вақтида, у тамаки ишлаб чиқаришда катта иқтисодий зарар келтираётган тамаки мозаикаси касаллигини ўрганишга киришди. У зарарланган тамаки баргларидан тайёрланган шарбатни бактериялар ўтадиган Шамберлан фильтридан ўтказганда, бу касалликни фильтрдан ўтувчи жуда майда микроорганизмлар қўзғатишини ва сунъий юқтирилганда бу микроорганизмлар касаллик келтириб чиқариш қобилиятига эга эканлигини аниқлади.