М. Әуезовтың шығармашылығы әдебиет үшін үлкен үйрену мектебіне,шеберлік,парасат мектебіне айланып отыр.Суреткердің сөз қозғап,ой толғау үлгісінен бастап,әлемдік проблемаларды көркемдікпен шешу тәсілдеріне дейінгі аралықтағы тәжрибесін,өнегесін үйрену-қазақ әдебиеті мен мәдениетінің қай буыны,қандай өкілдері үшін де әрі қиын, әрі жемісті,ізгілікті міндет.М.Әуезовтың шығармашылық мұрасы ,поэтикалық әлемі,көркемдік дәстүрлері қазіргі қазақ әдебиетінің даму, ілгерілеу жолын анықтап,белгілеудің,сонымен қатар қазақ әдебиетінің бүгінгі күні жеткен биігі,асқан асуының да дәл және айрықша өлшемі бола алады.Бұған белгілі қаламгерлердің ой-пікірлері арқылы да көз жеткізуге болады.
Мысалы,академик С.Қирабаев “...біз Мұхтар Әуезовті өзіміздің рухани әкеміз санаймыз”,-деп тұтас бір қауымның жүрек сырын толғайды.Академик С.Қабдолов ұлы жазушының әсемдік әлемінің ешкімде жоқ айрықша сұлу байлығын құрмет тұтады.Ш.Айтматовтың мына бір сөзі ұлы жазушының шығармашылық мұрасының бүгінгі күннің рухани өміріндегі маңызы мен мәнін жүрек нұрымен ұғудың ерекше үлгісін аңдатты.