“Integral hisob” qismidan mustaqil ta`lim topshiriqlarini bajarish bo`yicha

Ushbu uslubiy ko`rsatma tеxnika yo`nalishi buyicha ta`lim olayotgan 1-kurs talabalari uchun oliy matеmatikaning «Integral hisob» qismi bo`yicha yozilgan bo`lib, talabalarning mustaqil ishlari uchun mo`ljallangan. Mazkur ko`rsatma O`zbekiston Respublikasi Vazirlar Mahkamasining 2001 yil 16 avgustdagi “Oliy ta`limning davlat ta`lim standartlarini tasdiqlash to`g`risida”gi 343-son qaroriga muvofiq va O`zbekiston Respublikasi Oliy va o`rta maxsus talim vazirligining 2005 yil 21 fevraldagi 34-sonli buyrug`i bilan tasdiqlangan “Talaba mustaqil ishini tashkil etish, nazorat qilish va baholash tartibi to`g`risida”gi Nizomga asosan ishlab chiqilgan. Talabaning mustaqil ishi o`quv rejasida muayyan fanni o`zlashtirish uchun belgilangan o`quv ishlarining tarkibiy qismi bo`lib, u uslubiy va axborot resurslari jihatidan ta`minlanadi hamda bajarilishi reyting tizimi talablari asosida nazorat qilinadi.