Ўзбекистон Республикаси давлат мустақиллигининг эълон қилиниши билан ўзбек халқининг асрий орзулари рўёбга чиқди. Истиқлол туфайли ўзбек халқи сиёсий, иқтисодий, маданий ва маънавий соҳаларда том маънодаги озодликка, ўзликни англаш имкониятига эга бўлди. Ўзбекистон ўз мустақиллигини қўлга киритган дастлабки кунлардан бошлаб жамиятдаги барча соҳаларда улкан ўзгаришлар юз бера бошлади.
Ўзбекистон Республикаси Президенти Ислом Каримов ўзининг фундаментал асарларидан бири бўлган “Тарихий хотирасиз келажак йўқ” номли асарида ўзбек халқи тарихини ҳаққоний ёритишнинг назарий методологик асосларини кўрсатиб, тарихчилар олдига яқин ўтмишни, хусусан, совет даври тарихини бирламчи манбалар асосида холис ва объектив ёритиш вазифасини қўйди: “Ўзликни англаш тарихни билишдан бошланади. Исботталаб бўлмаган ушбу ҳақиқат давлат сиёсати даражасига кўтарилиши зарур”.