Iqtisodiyotning barqaror rivojlanishi, uning salohiyatini uzluksiz yuksalib borishi mamlakat mintaqalarining tabiiy, iqtisodiy va ijtimoiy geografik jihatidan chuqur o`rganish asosida ijtimoiy ishlab chiqarishni tashkil etishiga bog’liq. Hududning geografik jihatdan majmuali o`rganish esa uning geografik joylashishi va tabiiy sharoiti (geologik rivojlanishi, rel’efi, iqlimi, tuproqlari va ularni unumdorligi, o`simlik, yaylov qulay hamda noqulayligi va h.k), mineral xom ashyo resurslari va ularning zahirasi hamda sifati, suv resurslari bilan ta`minlanganlik darajasi, demografik jarayonlarning rivojlanishi, mehnat resurslari va ularning sifati hamda xo`jaligini tarmoq va hududiy rivojlanishini tadqiq etishdan iborat.