Ушбу услубий қўлланмада суюқликлар ҳаракат режимини, сарфини ўлчаш, марказдан қочма насосларнинг характеристикасини, донадор заррачалар қатламининг мавҳум қайнаш гидродинамикасини, идиш тубидаги турли диаметрли тешиклардан оқиб тушиш вақтини, фильтрлаш доимийлигини, “труба ичида труба” типидаги иссилиқ алмашиниш қурилмасида иссилиқ бериш ва ўтказиш коэффициентларини, эритмаларнинг температура депрессиясини аниқлаш, қуритиш қурилмасидаги материалнинг қуритиш ва қуритиш тезлигининг эгри чизиқларини тасвирлаш, ҳамда насадкали колонналарнинг гидродинамикасини аниқлаш бўйича лаборатория ишлари баён қилинганн.
Ҳар бир лаборатория ишида уни мукаммал ўзлаштириш учун ишнинг назарий асослари, ҳисоблаш формулалари, ишни бажариш тартиби, назорат саволлари ва адабиётлар келтирилган. Услубий қўлланмада тажриба натижаларини ҳисоблаш учун иловада суюқлик ва газларнинг физик-механик ва диффузион-иссилиқ хоссалари, маҳаллий қаршилик турларининг коэффициентлари берилган ҳар бир лаборатория иш натижалари ЭХМ да ҳисоблаш учун “Бейсик” алгоритмик тилда тузилган дастурлар келтирилган.
Услубий қўлланма олий ўқув юртларнинг «Кимёвий технология», «Биотехнология», «Нефт ва нефт-газни қайта ишлаш технологияси», «Дон ва дон маҳсулотлари технологияси», «Ёғочсозлик саноати технологияси, машина ва жихозлари», «Қурилиш материаллари ва конструкциялари технологияси», «Касбий таълим», «Атроф муҳит муҳофазаси» ва бошқа йўналишларида таълим олаётган бакалаврлар учун мўлжалланган.
Мазкур услубий қўлланмани яратишда проф. Нурмуҳамедов Х.С., до-центлар: Гулямова Н.У., Нигматжонов С.К., катта ўқитувчилар: т.ф.н.Юлчиев Р.А., Юсупова Н.Ф., Мухамедбаев А.А., Набиев Г.Г., ассистентлар: Туйчиева У.И., Нодирхонова С.И., Хоназарова М.Х., Пиримов Т.Ж., Иногомов А.А., Хаитова Д.А. фаол қатнашдилар.
Ушбу услубий қўлланма «Технологик жараён ва қурилмалар» кафедрасининг 2010 - йилдаги йиғилишда мухокама қилинган ва тасдиқланган («_29__» декабрь_ 6 - сонли баённома).