Касб-ҳунар коллежларида халқ амалий санъатини ўқитиш методикаси (наққошлик санъати мисолида)
Мамлакатимизда мустақиллик йилларида амалга оширилган ислоҳотлар тизимида маданият ва санъат соҳасидаги ишлар алоҳида аҳамият касб этди. Айниқса, аждодлар меросини қайта тиклаш билан боғлиқ бунёдкорлик ишларида халқ амалий санъатининг тарихий анъаналарини ўрганиш ва уларни замонавий технологиялар билан бойитиш бўйича ибратли ишлар олиб борилди. Муҳими, бу ишлар Ўзбекистон Республикаси Президенти И.А.Каримовнинг ташаббуси билан
амалга оширилмоқда. Бу ишларнинг муҳимлигини таъкидлаб юртбошимиз «Аждодларимиз томонидан кўп асрлар мобайнида яратиб келинган ғоятулкан, бебаҳо маънавий ва маданий меросни тиклаш давлат сиёсати даражасига кўтарилган ниҳоятда муҳим вазифа бўлиб қолди. Биз маънавий қадриятларни тиклашни миллий ўзликни англашни ўсишидан, халқнинг маънавий сарчашмаларига, унинг илдизларига қайтишдан иборат узвий, табиий жараён»1 эканлигини эътироф этади