«Маданият»-арабча мадина (шаҳар) сўзидан келиб чиққан бўлиб, жамият, инсоннинг ижодий куч ва қобилиятлари тарихий тараққиётининг муайян даражасидир .
Ўзбек халқи азалдан китобхон халқ бўлган. Аждодларимиз китоб мутолааси билан мунтазам шуғулланганлар. Болаларда жуда ёшликдан бошлаб китобхонлик маданияти кўникмалари шакллантирилган. Ўтмишда болаларда китобхонлик маданиятини шакллантириш ота-оналар, энагалар, мураббийлар зиммасида бўлган. Кўпгина зиёли, маърифатли оилаларда жуда катта миқдордаги китоблар сақланган. Йирик кутубхоналар олимлар ва задогонлар ихтиёрида бўлган. Мадрасаларда ҳам китоб мутолааси билан толиблар изчил шуғулланишган. Бугунги кунда мана шу муқаддас мерос ва қадриятга садоқат сифатида ўқувчиларда мактаб ҳамда кутубхона ҳамкорлигида китобхонлик маданиятини шакллантириш эҳтиёжи вужудга келмоқда.