Демократик ҳуқуқий давлат мукаммал қонунчиликка таянади. Қонунлар муҳим ижтимоий муносабатларни тартибга солиш орқали фуқароларнинг ҳуқуқ ва эркинликларини таъминлаш, мамлакатда ҳуқуқий тартиботни мустаҳкамлаш, умумдавлат миқёсида адолат ўрнатишга хизмат қилади.
Мамлакатимиз ижтимоий ҳаётида амалга оширилаётган модернизация жараёнлари бутун ҳуқуқий тизим, жумладан унинг фаол таркибий қисми ҳисобланган қонунчилик ҳам қамраб олмоқда. Ўзбекистон Республикаси мустақилликни қўлга киритгач, мамлакат ҳаётининг барча жабҳаларида кенг кўламли ислоҳотлар ўтказиш билан бир қаторда ҳуқуқий демократик давлат ва фуқаролик жамиятининг ҳуқуқий асоси – қонунчилик тизимини такомиллаштириш давлат сиёсати даражасига кўтарилди.
Ўзбекистон Президенти Ислом Каримов 2010 йил 27 январ куни Республика Олий Мажлиси Қонунчилик палатаси ва Сенатининг қўшма мажлисида «Мамлакатимизни модернизация қилиш ва кучли фуқаролик жамияти барпо этиш – устувор мақсадимиздир» номли маърузасида қонун ижодкорлиги жараёнини ислоҳ қилиш ва бу жараёнда ижтимоий фикрни ифодалашнинг айрим масалаларига алоҳида тўхталиб ўтди1.