Лаборатория машғулотининг мақсади: Талабаларни республикамиз аҳолиси ва ҳудудларини фавқулодда вазиятлардан муҳофаза қилишнинг ҳуқуқий асослари, ФВДТ, тадбирлари билан таништириш.
Машғулот давомида талаба:
• Республикамиз аҳолиси ва ҳудудларини фавқулодда вазиятлардан муҳофаза қилишнинг ҳуқуқий асосларини ташкил этувчи ҳужжатлар ҳақида маълумотга эга бўлиши;
• Ишлаб чиқилган ҳуқуқий-меъёрий ҳужжатларнинг мазмуни ва моҳияти, уларни ишлаб чиқиш ва жорий этиш асосларини англаши;
• Ўзбекистон Республикаси фавқулодда вазиятларда уларнинг олдини олиш ва ҳаракат қилиш давлат тизими (ФВДТ)нинг вазифалари, таркибий тузилмаси, бошқарув органлари, куч ва воситалари, молиявий моддий ресурслар заҳиралари ҳақида маълумотга эга бўлиши;
• Республикамиз аҳолиси ва ҳудудларини фавқулодда вазиятлардан муҳофаза қилишнинг тадбирлар тизими уларнинг моҳияти ва мазмунини чуқур эгаллашлари, ФВ хавфи туғилганда ва содир бўлганда ҳаракат тартибига оид кўникма ва малакаларни талаб даражасида эгаллашлари лозим.
Зарур жиҳозлар: ”Тинчлик ва ҳарбий даврда аҳоли ва ҳудудларни фавқулодда вазиятлардан муҳофаза қилишнинг ҳуқуқий асослари”, “Хавф-хатар ва фавқулодда вазият”, “Фавқулодда вазиятлардан муҳофаза қилишнинг асослари” кўргазмали қуроллари.
Лаборатория машғулотида фойдаланиладиган педагогик технология: ҳамкорликда ўқитиш технологиясининг кичик гуруҳларда ишлаш методи.