Халқаро экспертлар ва иқтисодчиларнинг 2010 йилда жаҳон иқтисодиётининг ривожланиш тенденциялари бўйича прогнозлари ва олиб борилган таҳлиллар натижаларига кўра берилган хулосалари, жаҳон молиявий инқирозининг дунё мамлакатлари иқтисодиётига оғир таъсири камайиб боришини, 2010 йилда жаҳон иқтисодиётининг аста-секинлик билан ўсиши кутилаётганлигини кўрсатмоқда. 2009 йилда глобал иқтисодиётнинг ўсиши тахминан 1 фоизга қисқарганлиги кузатилган, 2010 йилда эса дунё бўйича иқтисодий ривожланиш 3 фоиз атрофида ошиши кутилади. Бу инқирозгача бўлган даврдаги кўрсаткичлардан бармунча паст. Шунингдек, жорий йилда ишсизлик даражасининг ўсиши кутилмоқда, бу эса аҳолининг турмуш даражасига салбий таъсир кўрсатади.