Chet el bolalar adabiyoti

O’quv-usuliy qo’llanma, ayniqsa, boshlang’ich sinflarda savodxonlik va o’qish darslarini to’g’ri tashkil etish uchun muhim ahamiyatga ega. Unda o’quvchilarni jahon bolalar adabiyoti durdonalari bilan tanishtirish jarayoniga tayyorlashning o’ziga xos usullari, bo’lajak boshlang’ich sinf o’qituvchilarining chet el bolalar adabiyoti namunalarini o’qishi va shu asosda bolalar adabiyoti haqida keng qamrovli tushunchaga ega bo’lish malakasini shakllantirish, xalq og’zaki ijodi va adabiy asar namunalarini mutolaa qilish ko’nikmasini rivojlantirish ko’zda tutilgan. Ishda chet el bolalar adabiyotining o’zbek adabiyotida tutgan o’rni, tarbiyaviy mohiyati, didaktik xususiyatlari, janrlar rang-barangligi taraqqiyot tamoyillari haqida ham tushuncha bеrilgan. O’quv qo’llanmada har bir mavzuga oid namunaviy matn, mavzuni mustahkamlash uchun savollar, tayanch tushunchalar hamda amaliy va seminar mashg’ulotlari rejasi, zarur adabiyotlar ro’yxati o’z ifodasini topgan.