Barchamiz yaxshi bilamizki, kelajak avlod haqida qayg`urish, sog`lom, barkamol naslni tarbiyalash, yetishtirishga intilish bizning milliy xususiyatimizdir. Bu muqaddas zaminda yashayotgan har qaysi inson o`z farzandining baxt-u saodati, fazl-u kalomini ko`rish uchun butun hayoti davomida kurashadi, mehnat qiladi, o`zini ayamaydi. Bola tug`ilgan kunidan boshlab oila muhitida yashaydi. Oilaga xos an’analar, qadriyatlar, urf-odatlar bola zuvalasini shakllantiradi.