Ишлаб чиқаришни механизациялаш- бу фан-техника тараққиётининг муҳим йўналшларидан бири ҳисобланади. Пахтачиликни механизициялаш эса қўл мехнатини машина меҳнати билан алмаштириш жараёнидир.
Жамият тараққиётида мехнизциянинг роли шундан иборатки, у бир томондан меҳнат воситаси, иккинчи томондан ишлаб чиқариш кучларининг зарурий элементидир. Кишилик жамиятининг асосий ишлаб чиқарувчи кучи, моддий бойликларнинг ишлаб чиқарувчиси инсондир. Техника табиатда тайёр ҳолда учрамайди, балки инсон меҳнатининг маҳсулидир. Техника бир томондан технологик жараёнларни, иккинчи томондан ижтимой функцияларни бажаради. Техника ривожи ишлаб чиқариш муносабатлари билан чамбарчарс боғлиқдир. У кишиларнинг меҳнат характери ва мазмунига, малакасига таъсир этади, ишлаб чиқариш муносабатлари орқали ижтимоий ҳаётнинг турли томонлари билан алоқада бўлади.