Мазкур амалиёт қўлланмаси фармацевтика ва тиббиёт олий ўқув юртлари талабаларига мўлжалланган бўлиб, биологик кимёнинг назарий асослари, лаборатория машғулотларининг ўтказиш қоидалари кўрсатилган амалдаги ўқув дастурига мослаб тузилган. Ҳар бир машғулотда унинг қисқача назарий йўналиши ва мақсади, қўлланилаётган усулнинг асоси, лозим бўлган реактив ва жиҳозлар рўйхати, текширилувчи материал номи кўрсатилиб, ишнинг бажарилиш қисми батафсил ёритилган. Мураккаблиги турли даражада бўлган лаборатория машғулотларини бажариш давомида талабалар олинган ахборотлар натижасини мустақил таҳлил қилиш имкoниятига эга бўладилар. Ўқув қўлланмада келтирилган айрим биокимёвий усуллардан талабалар илмий-тадқиқот ишларида, клиник биокимё лабораторияларида, токсикологик кимё ҳамда доришуносликда биоген препаратлар ва доривор ўсимликлар таъсирини ўрганишда фойдаланиш мумкинлигини назарда тутиб, уларнинг амалий аҳамиятига алоҳида эътибор берилган. Ҳар бир бўлим ниҳоясида назорат саволлари келтирилган бўлиб, талаба назарий кўникма билан амалиёт натижаларини боғлай олишига ёрдам беради.
Ушбу ўқув амалиёти мундарижаси ва шакли бўйича тиббиёт ва фармацевтика олий ўқув юртлари учун ўзбек тилидаги дастлабки ўқув қўлланма бўлгани сабабли муаллифлар унинг сифатини яхшилашга қаратилган барча фикр ва мулоҳазаларни мамнуният билан қабул қиладилар.