Банк тизимидаги ислоҳотларнинг молиявий инқирозни олдини олишдаги аҳамияти

Банк соҳасининг ислоҳотида 1991 йил 15-февралда қабул қилинган. Ўзбекистон Республикасининг “Банклар ва банк фаолияти тўғрисида”ги қонуни муҳим рол ўйнайди. Бу қонун Марказий банкка ижро органларидан мустақиллик берди, республикада тижорат банкларини ташкил қилиш ва уларнинг фаолият кўрсатиши учун ҳуқуқий асос яратди. Ўзбекистон Республикасида 1995-йилга қадар икки поғонали банк тизими шакллантирилди. Юқори поғонага-Марказий банк, қуйи поғонага-турли тижорат банклари киради. “Марказий банк тўғрисида”ги қонуннинг 40-моддаси ва “Валютани тартибга солиш тўғрисида”ги қонун меъёрларига биноан Ўзбекистон Республикаси Марказий банки валютани тартибга солувчи ва валюта назоратининг асосий органи ҳисобланади. Бу қонун Марказий банкнинг ташқи алоқаларни тартибга солиш бўйича фаолиятини янада фаоллаштирди.Банк ислоҳатларининг иккинчи босқичи банк фаолиятига оид иккита қонун “Марказий банк тўғрисида”ги қонун ва “Банклар ва банк фаолияти тўғрисида”ги қонуннинг янги таҳрири қабул қилиниши билан бошланди. “Марказий банк тўғрисида”ги қонун Марказий банк фаолитининг асосий меъёрий ҳуқуқий асоси ҳисобланади. Марказий банк банкнотлар ва тангалар намуналари, шунингдек уларнинг дизайнини Олий Мажлиснинг Кенгаши билан келишилган ҳолда тасдиқлайди.