Ўзбекистон Республикаси Вазирлар Маҳкамаси ҳузуридаги Олий Аттестация Комиссияси Бюллетень 2005

2004 йилда ОАКга жами 1283 та аттестация иши келиб тушди, шундан 120 таси докторлик, 715 таси номзодлик илмий даражасини олиш учун; 64 таси профессор, 303 таси доцент ва 47 таси катта илмий ходим илмий унвонини олиш учун; ўзга давлатларда берилган 10 та фан доктори ва 24 та фан номзодининг дипломларини нострификация қилиш учундир. Шу вақт мобайнида ОАК Раёсатининг 10 та мажлиси ўтказилиб, ушбу мажлисларда жами 1038 та аттестация иши тасдиқланди, шундан 94 таси докторлик ва 573 таси номзодлик ишидир, 51 нафар даъвогарга профессор, 254 нафар даъвогарга доцент, 33 та даъвогарга эса катта илмий ходим унвони берилди, 6 та фан доктори ва 27 та фан номзоди дипломлари нострификация қилинди.