Koreys tili eng qadimgi tillardan biridir. Lingvistik va etnografik tadqiqotlar natijasi shuni ko`rsatdiki, koreys tili Ural-oltoy tillari oilasiga mansubdir. Bu oilaga turk, mongol, tibet, venger, o`zbek, fin va boshqa tillar kiradi. Koreys yozma tili (alifbosi) “Xangil”(한글) 1443 yilda koreys olimlari
guruhi tomonidan ixtiro qilingan. Bu guruhga Cho Son sulolasining to`rtinchi
qiroli (van) buyuk Sedjong rahbarlik qilgan. U ziyoli qirol bo`lib, zamondoshlari
uni “Sharqiy mamlakatning Yao va Shuni” deb atashgan. Bu hukmdor davrida
mamlakatning ko`plab siyosiy, iqtisodiy, ilmiy va madaniy sohalari
rivojlanishining yuqori cho`qqisiga erishdi. Alohida e’tibor ta’limga berilar edi.