Poyezdni boshqarish jarayonida mashinist lokomotiv ish rejimini tez-tez o’zgartirib turishiga to’g’ri keladi (qo’zg’alish, tezlashish, tortuv kuchi ta`sirida kichik yoki katta tezliklar bilan harakatlanish, tormozlash). Harakat yo’lning holati, profili, yil fasli, har xil radiusli burilishlar va boshqalar hisobiga murakkab sharoitlarda amalga oshiriladi
Harakatlanish rejimi va sharoitlariga ko’ra aravacha ramasiga berilayotgan kuchlarning kattaligi, yo’nalishi va xarakteri o’zgarib turadi. Kurs loyihasi doirasida aravacha ramasining ba`zi konstruktiv xususiyatlari va turli tuman kuch faktorlarining barchasini hisobga olish ancha mushkul bo’lganligi sababli hisoblash sxemalari bir qator soddalashtirishlar kiritilgan xolda tuzilgan. Statik mustahkamlik barcha kuch faktorlarining noqulay kelgan xolidagi maksimal kuchlanish bilan aniqlanadi.