Ma’lumki hozirgi vaqtda energiyaning asosiy manbaalaridan biri neft va gaz hisoblanadi. Ulardan asosan turli suyuq yoqilg`ilar: benzin, kerasin, dizel va qozonxona (mazut) yoqilg`isi olish uchun foydalaniladi. Shuningdek, neftdan maxsus va surkov moylari ham ishlab chiqiladi. Qayta ishlash jarayonlari orqali olingan mahsulotlar plastmassalar, sintetik kauchuk va smola, sun’iy tola va yuvish vositalari, dori-darmonlar va shu kabi bir qator xalq xo`jaligi uchun zarur mahsulotlar ishlab ishlab chiqarishda xom-ashyo sifatida foydanalaniladi.