Мавзунинг долзарблиги. Тадқиқот мавзусининг долзарблиги ташқи иқтисодий алоқалар соҳасида давлат бошқаруви ва ҳуқуқий тартибга солишнинг таркибий-функционал жиҳатлари назарий ва амалий аҳамият касб этиши билан белгиланади.
Давлат бошқаруви фавқулодда мураккаб фаол тизим бўлиб, унинг ҳар бир элементи тартибга солувчи таъсирларни шундай бир тарзда ўтказиб, қабул қилиб ва ўзгартириб борадики, натижада улар ижтимоий ҳаётни тартибли равишда йўлга қўяди. Давлат бошқарувининг тизимлилиги қўйилган вазифалар бажарилишига эришишни ва бошқарув функциялари сифатли амалга оширилишини таъминлайди, зеро у бошқарув субъектлари ва объектларини бошқарувчи таъсир (бир томонлама ва икки томонлама алоқалар) ёрдамида узвий боғлайди.