Kartoshka xalqimizning yil mobaynida sevib iste’mol qiladigan eng muhim va ommabop oziq - ovqat ekinlaridan biri hisoblanadi.
Shuni hisobga olib, respublika hukumati kartoshkachilikni rivojlantirishga alohida e’tibor bermoqda.
Yaqin kelajakda kartoshka yetishtirish hajmini 1,5 mln tonnaga yetkazish,
har bir aholi jon boshiga 50 kilogramdan kartoshka ishlab chiqarish vazifasi
turibdi. Bu ulug’vor maqsadga hozirgi bozor iqtisodiyotiga o’tayotgan bir
paytda birinchidan, ekin maydonini kengaytirish, ikkinchidan esa urug’chilikni
to’g’ri yo’lga qo’yib xususiy urug’chilik ishlab chiqish orqali erishish mumkin.